Tanteraka androany tao amin'ny Carlton Anosy ny dinika momban'ny famatsiam-bolan'ireo tetikasa iarahana amin'ny Banky Iraisam-pirenena eto Madagasikara.

Ny Ministery ny Toekarena sy ny Fitantanam-bola, Dr. RAMIARISON Herinjatovo, sy ny Solontenana Maharitry ny Banky Iraisam-pirenena eto Madagasikara, Andriamatoa Atou SECK no nitarika ny fotoana.

Nanatrika izao fivoriana izao ireo mpikambana amin'ny Governemanta vitsivitsy izay manana tetikasa vatsian'ny Banky Iraisam-pirenena vola, anisan'izany i Ramatoa Minisitry ny Fahasalamam-bahoaka Dr. MANAGNA Monira.

Nisongadina tamin'izany ireto fanatsarana ny rafi-pahasalamana ireto :

• 347 tobimpahasalamana fototra voavatsy fitaovana feno,

• 126 Hopitalim-panjakana voavatsy fitaovam-pitiliana (matériels de laboratoires),

• 50.000 fatra (doses) VAR Humains,

• 122.500 fatra (doses) VAR Animaux,

• 8,5 tapitrisa dollara novatsiana fanafody sy kojakoja amin'ny Fandrindrana Fianam-pianakaviana,

• 6 Instituts de Formation Inter-Régionales des Paramédicaux nohavaozina.

MIASA MIARAKA ISIKA HO AN'NY FANOVANA, MANASITRANA NY FIRENENA.