Sarobidy sy tsy azo atao ambanin-javatra ny fahasalaman’ny maso, ary tsy mitsahatra manamafy izany ny Minisiteran’ny Fahasalamam-bahoaka miaraka amin'ireo Mpiara-miombon'antoka aminy.

Arak'izany, notanterahana ny 01 ka hatramin’ny anio 05 desambra eny amin’ny CHU Anosiala ny fandidiana "cataracte" iarahana amin’ny fikambanana Pneumo-Aide, notarihan-dRamatoa Laure Eva Etcheverry, Filohany, niaraka tamin'i Dr. Michel Di Nolfo "mpandidy maso".

Ity hetsika ity dia manampy mivantana ireo olona very fahitana na marefo noho ny fahasimban’ny maso.

Ankoatry ny fandidiana, dia nanome voninahitra ny fanolorana ny fitaovana, Ramatoa Tale Jeneralin'ny "INSPC" Dr. HANITRINIALA SAHONDRANIRINA Pâquerette, izay niarahan'ny Pneumo Aide sy Total Energies Marketing Madagascar natolotra ary nahitana :

• "Optopol Revo OCT", izay manamora ny fitiliana ireo aretin'ny maso sarotra hita amin’ny fomba mahazatra,

• "Table opératoire",

• "Fauteuil ergonomique" ho an’ny mpandidy.

Ireo fitaovana ireo dia hanatsara ny kalitaon’ny fitsaboana ary hanamafy ny fahafahan’ny mpitsabo miatrika ny fitsaboana ny aretin-maso amin’ny fomba maoderina.

MIASA MIARAKA ISIKA HO AN'NY FANOVANA, MANASITRANA NY FIRENENA.