Fararanon-danonana tokoa raha ny teto amin’ny Faritra Itasy manokana no resahana. Tontosa androany tokoa mantsy ny fanolorana amin'ny fomba ofisialy ny CSB I vaovao ho an'ny vahoakan'i Masiakamalona sy ny manodidina.
Ny fitondram-panjakana ankehitriny dia mametraka ho laharam-pahamehana ny tontolon’ny fahasalamam-bahoaka. Porofon’izany izao fanolorana foto-drafitr’asa manakaiky ny vahoaka izao.
Hiova tokoa ny fiainan’ireo vahoaka eo an-toerana amin’izao fahazoana tobim-pahasalamana fototra izao izay misy ireo fitaovana moderina sy fanaka ilain’ireo mpiasan’ny fahasalamana ka ahafahan’izy ireo misitraka fitsaboana akaiky sy tsara kalitao.

Lanonana tsotra nefa feno fifankatiavana sy firaisan-kina tokoa ny niseho androany izy notarihan’ny Minisitry ny Fahasalamam-bahoaka Dr. MANAGNA Morina, izay nanentana ihany koa ireo ray aman-dreny teo an-toerana hitondra ireo zanany vavy 9 ka hatramin’ny 14 taona ho atao vaksiny ho fisorohana ny homamiadan’ny vozon’ny tranon-jaza. Hanomboka amin’ny alatsinainy izao tokoa mantsy io hetsika io eny amin’ny tobim-pahasalamana rehetra.

Tsara ny mampahafantatra fa misokatra ary miasa avy hatrany ity CSB I ity izay volam-panjakana madiodio no nanaovana azy.

MIASA MIARAKA ISIKA HO AN'NY FANOVANA, MANASITRANA NY FIRENENA.