Aretina mangina, manimba tsikelikely ny vatana sy ny fiainana ny homamiadan’ny vozon-tranonjaza.
Mitana ny laharana faha 4 mahafaty ny vehivavy maneran-tany io aretina io ary 45 ny tranga vaovao hita eto Madagasikara amin’ireo vehivavy 100.000.

Mahavaky fo ny mahita vehivavy mbola tanora miatrika fanaintainana sy tahotra noho ny aretina iray azo sakanana tanteraka.
Imasoan’ny Fitondram-panjakana amin'izao fotoam-panavaozana izao ny fisorohana ireo aretina, anatin'izany ny fametrahana ho laharam-pahamehana ny fanavaozana ny fotodrafitr’asa sy ny fampitaovana ny toeram-pitsaboana manerana ny Nosy.

Azo sorohana ny homamiadan’ny vozon-tranonjaza amin’ny vaksiny "anti-HPV", vaksiny ekena sy nankatoavin’ny "OMS", ary efa ampiasaina maneran-tany.
Fiarovana tsotra, haingana ary mahomby.

Notarihan-dRamatoa Minisitry ny Fahasalamam-bahoaka Dr. MANAGNA Monira ny fanombohana amin'ny fomba ofisialy ny fanaovam-baksiny faobe "anti-HPV" ho tanterahina manomboka ny 8 –12 Desambra 2025, eny amin'ny CSB sy ireo sekoly mpiara miasa, ho an’ireo zatovovavy 9 –14 taona.

Noho ny fisian’ny valan’aretina kitrotro tao amin’ny Distrika 35, dia nakambana ihany koa ny vaksiny fanefitra ny kitrotro mba hiarovana ny vahoaka.
Nandritry ny fandraisam-pitenenany dia nanentana ireo ray aman-dreny Ramatoa Minisitra mba tsy hisalasala fa hitarika ireo ankizy hanao vaksiny satria tokoa aleo misoroka toy izay mitsabo.

MIASA MIARAKA ISIKA HO AN’NY FANOVANA, MANASITRANA NY FIRENENA.