Nosokafana tamin’ny fomba ofisialy androany ny CSB II Ampangabe, foto-drafitrasa ara-pahasalamana vaovao natokana hanatsarana ny fitsaboana sy ny fikarakarana ho an’ny mponina eny ifotony. Ny Solombavam-bahoaka voafidy tao Moramanga, Andriamatoa RAJAOBELINA Lova Herizo, no nitarika ny lanonana fitokanana, niaraka tamin’ireo tompon’andraikitra isan-tsokajiny, ny mpiasan’ny fahasalamana ary ny vahoaka maro tonga nanatrika.
Tao anatin’ny kabariny, nanamafy izy fa laharam-pahamehana ny fahasalamam-bahoaka, satria fototra iorenan’ny fampandrosoana maharitra ny fananana foto-drafitrasa manara-penitra sy akaiky ny vahoaka. Nambarany fa ny CSB II dia natao hanamora ny fidirana amin’ny fitsaboana fototra, hampihenana ny fahasahiranana ateraky ny fivezivezena lavitra, ary indrindra hiahy ny reny sy ny zaza. Nisy ihany koa ny fitiliana maimaim-poana ny VIH/SIDA, ny diabeta, ary ny fanaovana vaksiny ho an’ireo zaza.
Ny fahavitan’ny foto-drafitrasa toy izao dia manaporofo fa rehefa mitambatra ny finiavana sy ny asa, dia miteraka vokatra hita maso ho an’ny vahoaka. Dingana lehibe ho an’ny fahasalaman’ny mponina sy ny hoavin’ny Distrikan’i Moramanga ity hetsika ity