Fararanon-danonana tokoa ny teto Toamasina tamin’ity faran’ny herinandro ity, satria nisesisesy ireo zava-bita lehibe natolotra ho an’ny vahoaka. Eo amin’ny sehatry ny fahasalamana manokana, taorian’ny fanokanana ny "Laboratoire" manaraka ny fenitra, dia notokanana tamin’ny fomba ofisialy ny IFIRP (Ivontoeram-pampiofanana Infirimiera), ivon-toerana iray natao hanamafisana ny fanofanana ho an’ireo ho infirimiera sy mpampivelona, ho antoky ny kalitaon’ny fitsaboana sy ny fiarovana ny ain'ny mpiara-belona.

Notokanana tamin’ny fomba ofisialy teto Toamasina ny IFIRP (Ivon-toeram-pampiofanana Infirimiera), taorian’ny fanokanana ny toerana fitiliana manaraka fenitra, ho fanamafisana ny fanofanana ireo ho infirimiera sy mpampivelona ary ho fanatsarana ny kalitaon’ny fitsaboana.

Ny lanonana dia notarihin-dRamatoa Minisitry ny Fahasalamam-bahoaka, niaraka tamin’ny Filohan’ny Oniversiten’i Toamasina sy ireo manam-pahefana sivily sy miaramila. Notsindriana fa vokatry ny fahavononan’ny Fitondram-panjakana izao fotodrafitrasa izao, izay antoky ny etika matihanina, ny fahaizamanao ary ny rafitra ara-pahasalamana matanjaka.

Nirary fahombiazana ho an’ireo mpianatra Ramatoa Minisitra ary nanamafy the fanoloran-tenan’ny Ministera amin’ny famahana tsikelikely ireo olana ilaina amin’ny fianarana mendrika, sady niantso ny mpisehatra rehetra hanatanteraka ny asa fitsaboana amim-pahamarinana sy mangarahara, ho an’ny tombontsoan’ny vahoaka.

MIASA MIARAKA HO AN’NY FANOVANA, MANASITRANA NY FIRENENA.