Nisy ny fihaonan-dRamatoa Minisitry ny Fahasalamam-bahoaka tamin’ireo tompon’andraikitra eo anivon’ny COUSP Boeny androany, izay natrehan’Andriamatoa Tale Jeneraly misahana ny Fisorohana ara-pahasalamana.

Nanao tatitra fohy sy nanazava mahakasika ny trangan’ny valanaretina MPOX tao an-toerana izy ireo.

Naneho fankasitrahana ny amin’ny ezaka vitan’ny mpiasan’ny fahasalamana ny Ramatoa Minisitra. Nanome toromarika ho fanatanterahana ny asa fitsaboana sy fandraisana an-tanana am-panajana sy am-pahamendrehana ny vahoaka ihany koa izy nandritra ny fandraisany fitenenana.

Tamin’ity fotoana ity ihany koa no niarahaban’ireo mpiasan’ny fahasalamana ao Boeny sy nirary soa azy amin’izao taona vaovao 2026 izao.