Ho fanamafisana ny fiaraha-miasa amin'ny mpanao gazety, dia misokatra manomboka anio 27 febroary ny fifaninanana asa an-gazety miompana manokana amin'ny fampahafantarana sy fanentanana ho amin'ny fisorohana ny aretina amin'ny alalan'ny fanaovan-gazety.

Ireo mpanao gazety rehetra manerana ny Nosy, na avy amin’ny haino aman-jery an-tsoratra, am-bava na amin’ny fahitalavitra ary an-tserasera, dia afaka mandray anjara avokoa.

Tanjon’ity fifaninanana ity ny hampiroborobo ny asa fanaovan-gazety matihanina sy tompon’andraikitra, ary hanamafisana ny fampahafantarana sy fanabeazana ny vahoaka mikasika ny maha-zava-dehibe ny vaksiny amin’ny fiarovana ny Reny sy ny Zaza ary ny fiarahamonina manontolo.