Maro ny tobim-pahasalamana fototra no miorina amin’ny toerana saro-dalana ny kaominina sy distrikta misy azy. Mba hamahana izany olana izany dia miara-miasa amin’ny mpiara-miombon’antoka USAID/IMPACT sy AFD/FID ny Ministeran’ny fahasalamam-bahoaka efa nanomboka ny taona 2019 mba anatanterahana ny fanaterana ny fanafody amin’ny alalan’ny drone, izany hoe amin’ny alalan’ny sidina anabakabaka.

Afaka mitondra fanafody hatramin’ny 10 kilao isaky ny sidina ny “drone” iray ary mahavita sidina manodidina ny in-5 isan’andro ary mandeha hatrany amin’ny 100 km isaky ny sidina.

Tombony lehibe ny ahafahan’ny vahoaka mipetraka amin’ny toerana saro-dalana misitraka fanafody tsara kalitao, ara-potoana ary amin’ny filany amin’ny alalan’ity tetikasa ity. 

Ka sidina 4200 no efa notanterahina hatreto ary CSB miisa 127 ao amin’ny faritra Atsinanana, Analanjirofo, Sava, Sofia ary Melaky no efa novatsiana fanafody toy ny fanafody miaro amin’ny tazomoka, ny fandrindrana Fiainam-pianakaviana ary ireo vaksiny maro samihafa.

Ny Ministeran’ny Fahasalamam-bahoaka sy ireo mpiaramiombonantoka aminy dia tsy mitsahatra ny manatsara hatrany ny rafitra ara-pahasalamana ahfahan’ny fahasalamana  manakaiky kokoa ny vahoaka.