« Ny fahasalamana no harena sarobidy indrindra », io no andian-teny nentin'Andriamatoa Dr. RANDRIANAMBININA Ephraïm Stephanson, Sekretera Jeneraly eo anivon’ny Minisiteran’ny Fahasalamam-bahoaka nanokatra tamin’ny fomba ofisialy ny atrik'asa fankatoavana ny "curriculum de formation sur la therapie de stimulation des enfants malnutris".

Tahirin-kevitra enti-manofana izay mikendry manokana ny :

• hanamafisana ny fahaiza-manaon’ireo mpiasan’ny fahasalamana,
• hanatsarana ny fahaizan’ny mpanentana ara-pahasalamana eny ifotony,
• hitily ny fahatarana eo amin’ny fivoaran’ny ankizy madinika,
• hanara-maso akaiky ny fitsaboana sy fanentanana ho an’ireo ankizy tratran’ny tsy fanjarian-tsakafo.

Zava-dehibe ny fananana ity tahirin-kevitra ity na "curriculum" ahitana torolalana mazava sy fampiharana natao ho an'ny mpiasan’ny fahasalamana sy ny mpanentana ara-pahasalamana eny ifotony.

Ny zaza toy ny zava-maniry, rehefa tondrahina sy kolokoloina dia mitombo sy mivelatra.

MIASA MIARAKA HO AN’NY FANOVANA, MANASITRANA NY FIRENENA.

FahasalamamBahoaka

AnkizySalama
AdyAminNyTsyfanjariantsakafo
MSANP