Sanatria amin’ny Malagasy ny mitsipa-doha lakana nitàna.

Zava-dehibe tokoa ny loharano nipoirana, ka izany indrindra no mahatonga ny Ministeran’ny Fahasalamam-bahoaka hanentana ireo rafitra manerana an’i Madagasikara mba hijery manokana ny fahasalaman’ny Ray aman-dreny, indrindra fa ny zokiolona.

Ao anatin’izany ezaka izany dia nisy ny hetsika fanarahamaso sy fizahana ny fahasalaman’ireo zokiolona izay notanterahina tao amin’ny CHRD Maroantsetra.

Tontosa soa aman-tsara izany, ka maro ireo zokiolona nisitraka ny tolotra ara-pahasalamana.

Nandritra ny fizahana dia nahitana tranga samihafa toy ny :
diabeta
tosidrà avo
fanaintainana teo amin’ny vavony
aretin’ny taovam-pisefoana
aretin’andoha
ary aretina hafa

Natao ihany koa ny :
fandrefesana tosidrà
fitsapana siramamy anaty ra

Ity hetsika ity dia manamarika ny finiavan’ny Ministeran’ny Fahasalamam-bahoaka hanakaiky hatrany ny vahoaka sy hanatsara ny fikarakarana ny fahasalaman’ny rehetra, indrindra ireo zokiolona izay mila fikarakarana manokana.

MIASA MIARAKA HO AN’NY FANOVANA, MANASITRANA NY FIRENENA