Ankehitriny izao tontolo izao dia miatrika ny ady amin'ny fahantrana, ny tsy fitoviana, ny fifandirana ary ny fiovaovan’ny toetr'andro.

Lalan-tsaina iray ny fanomezana lanja ny maha-olona, indrindra ny vehivavy sy ny tanora, mba hananganana fiaraha-monina afaka miarina. 

Isan’ny lalana iray ahafahana miroso amin’ny fandrosoana ny fanajana ny tontolo iainana ny fandrindrana ny fiainam-pianakaviana , izay ahafahana mahazo ny « dividende démographique » izay imasoan'ny Fitondram-panjakana tarihin'Andriamatoa Filohan'ny Repoblika Andry RAJOELINA sy Andriamatoa Praiministra NTSAY Christian 

Lalana entina miady amin'ny olana ara- tsosialy ny fanajana ny zo sy ny hasin’ny tsirairay.

Nandray anjara feno tamin’ny fifanakalozan-kevitra momba izany ny Minisitry ny Fahasalamam-bahoaka Prof.  RANDRIAMANANTANY Zely Arivelo naneho ny hetsika tokony hamafisina ho fiarovana ny ara-tsosialy, hisorohana ny fanavakavahana ary hanafaingana ny fahafahan'ny tanora, indrindra fa ny tovovavy. Eto Madagasikara dia tanora latsaky ny 25 taona ny antsasaky ny mponina mahery, koa ny fijerena ny fahasalamana ara-pananahana ho azy ireo mba hisian’izay fandrosoana milamina izay no isan’ny lahadinika tamin’izany.

Marihina fa nikarakara izany ny iraka maharitra ny Repoblika Albania, iraka maharitra Italia amin'ny Firenena mikambana, UNFPA.

Andry lehibe amin’ny ady amin’ny fahantrana sy ny tsy fitoviana ny fanatsarana ny fahasalamana sy ny zo ara-pananahana.

---------------------------#Ny_Ministeran_ny_fahasalamam_bahoaka_eo_anilanao_hatrany