Madagasikara dia nandray anjara tamin'ny fomba ofisialy tamin’ny "Africa Health ExCon 2026", hetsika goavana nampivondrona ireo tompon’andraikitra ambony eo amin’ny sehatry ny fahasalamana, ireo mpisava lalana amin’ny fanavaozana, ireo mpanapa-kevitra ara-politika ary ireo manampahaizana avy amin’ny lafivalon’i Afrika sy maneran-tany.

Ny delegasiona malagasy, notarihin-dRamatoa Minisitry ny Fahasalamam-bahoaka Dr. MANAGNA Monira, dia nandray anjara feno tamin’ny lanonam-panokafana, ny fampirantiana, ny fivoriana ara-lohahevitra ary ireo fihaonana roa tonta.

Ny fandraisana anjara an'i Madagasikara dia maneho mazava ny finiavany hanamafy sy hanitatra ny fiaraha-miasa iraisam-pirenena, indrindra eo amin’ny famokarana ireo vokatra ara-pitsaboana sy ny mahasahana ny resaka fanafody.

Izany rehetra izany dia tafiditra ao anatin’ny vina lavitr’ezaka hananganana rafitra ara-pahasalamana matanjaka, mahaleotena ary maharitra, ho fanasoavana sy ho fiarovana ny fahasalaman’ny vahoaka malagasy.

MIASA MIARAKA HO AN’NY FANOVANA, MANASITRANA NY FIRENENA.