Nandray anjara mavitrika tamin'ny fivoriana nataon'ny Vaomieran'ny Fandaharan'asa (Sous-Comité du Programme) i Madagasikara, tamin’ny alalan’ny Minisiteran’ny Fahasalamam-bahoaka. Ity asa ity, izay natao tao Brazzaville, Repoblikan'i Kongo ny 22-26 Jona 2026, dia manomana ny fivoriana faha-76 an'ny Vaomieran'ny OMS ho an'i Afrika (Comité Régional de l’OMS pour la Région Africaine).

Araka ny fanapahan-kevitry ny Vaomieran'ny Faritra Afrikana ao amin'ny OMS, i Madagasikara dia anisan’ny Firenena mpikambana ao amin'ity Vaomieran'ny Fandaharan'asa ity mandritra ny vanim-potoana 2025-2028, miaraka amin'ireo Firenena mpikambana hafa, toy i Angola, Bénin, Botswana, Côte d'Ivoire, Etiopie, Ginée-Bissau, Ginée Équatorial, Zambie, Mozambique, Tchad, Kenya, ary Gabon.

Ny maha-mpikambana ao amin'ity vondrona ity dia ahafahan'ny firenentsika mizara sy mamolavola ny politika sy paikady ara-pahasalamana izay hamolavola ny hoavin'ny kaontinanta Afrikana manontolo.

Nifantoka tamin'ny fanavaozana lehibe momba ny fahasalamam-bahoaka ny fifanakalozan-kevitra :

Loharano maha-olona : ny paikady 2026-2035 ho an'ny fandrindrana, fiofanana ary fitazonana maharitra ny mpiasan'ny fahasalamana.

Fivelaran’ny ankizy : hampandrosoana ny fivoaran'ny ankizy madinika.

Famatsiam-bola : ny paikady vaovao ho an'ny famatsiam-bola ny hoavin'ny fahasalamana aty Afrika (2026-2035).

Fitsipika ara-pitsaboana : ny rafitra ho an'ny fandrindrana ny vokatra ara-pitsaboana sy ny fitantanana ny ekipa mpitsabo vonjy taitra sy rehefa ny hamehana ara-pahasalamana.

Fiarovana ara-pahasalamana : ady amin'ny polio, ary koa ny fampiharana ny fanitsiana ny Fitsipika Iraisam-pirenena momba ny Fahasalamana (RSI 2026-2030).

Vina ho an’ny ho avy : ny fanoloran-tena iraisana amin'ny vina 2035 ho an'ny vanim-potoana vaovaon'ny fahasalamana aty Afrika.

Ny fampiharana ireo paikady ireo ao anatin'ny politika nasionaly dia hisie fiantraikany mivantana sy azo tsapain-tanana eo amin'ny fiainan'ny vahoaka Malagasy :

1. Manatona ny Fandrakofana Fahasalamana Manerantany : ny fifanakalozan-kevitra momba ny famatsiam-bola dia mikendry ny hahazoana antoka fa afaka mahazo tombony amin'ny fikarakarana ara-pahasalamana tsara kalitao ny mponina nefa tsy sakana na enta-mavesatra ara-bola.

2. Mpiasa ara-pahasalamana matanjaka kokoa : ny fandraisana rafitra vaovao dia ahafahana mahazo fiofanana, fametrahana ary fankatoavana tsara kokoa ny mpiasan'ny fahasalamana manerana ny Firenena.

3. Fanatsarana ny vonjy taitra : noho ny fanavaozana ny ekipa mpitsabo vonjy taitra sy ny Fitsipika Iraisam-pirenena momba ny Fahasalamana, dia manamafy orina ny faharetany sy ny fahafahany mamaly haingana ny valanaretina sy ny hamehana ara-pahasalamana amin'ny ho avy i Madagasikara.

MIASA MIARAKA HO AN’NY FANOVANA, MANASITRANA NY FIRENENA.