Notanterahin’ny Holafitry ny Infirimiera sy ny Rasazy, niaraka tamin’ny Kaominina Tsiroanomandidy Fihaonana, ny hetsika tolotra ara-pahasalamana midina any amin'ny fiaraha-monina. Tao amin’ny Fokontany Morafeno Avaratra sy Ambarivatry no nanaovana izany, ka nahafahan’ny mponina nisitraka maimaimpoana tolotra ara-pahasalamana maro samihafa.

Ireto avy ireo tolotra natolotra tao anatin'izany :

• Didipoitra (circoncision),
• Fanatanterahana vakisiny,
• Fizarana Vitamine A,
• Fitiliana ny tsy fanjarian-tsakafo,
• Fitiliana VIH, tazomoka ary aretina hafa,
• Tolotra momba ny fandrindrana ny fiainam-pianakaviana.

Ity hetsika ity dia mifanaraka amin’ny politikan’ny fahasalamam-bahoaka mikendry hatrany ny fanamafisana ny zo fototry ny olom-pirenena hisitraka tolotra ara-pahasalamana manara-penitra na aiza na aiza misy azy. Amin’ny alalan’ny fiaraha-miasa iombonana no hanatonana bebe kokoa ny vahoaka, ho fanatsarana ny fahasalaman’ny mponina sy fanamafisana ny fisorohana eny ifotony.

MIASA MIARA-MIASA HO AN’NY FANOVANA, MANASITRANA NY FIRENENA