Nandritra ny lahateniny dia nanamafy ny maha-zava-dehibe ny "Colloque" momba ny VIH/SIDA ny Minisitra. Haharitra telo andro ao amin'ny CCI Ivato ary hampiroborobo ny ady amin’ity aretina ity, indrindra eo amin’ireo firenena manamorona ny Ranomasimbe Indiana.

Notsiahiviny ihany koa ny adidy lehibe miandry ny ray aman-dreny amin'ny fampiharana ny fanaovam-baksiny amin'ny zanany. Tanjon’ny fanjakana ny hisitrahan’ny ankizy Malagasy rehetra ny vaksiny ilaina mba hiarovana azy ireo amin'ny aretina mahafaty.

Notsindrian'ny Minisitra ihany koa ny fitohizan’ny ezaka sy ny fanatsarana hatrany ny rafitra sy ny tolotra ara-pahasalamana eto amin’ny firenena.

Fanendrena Tompon'andraikitra Vaovao ao amin'ny Ministeran'ny Fahasalamam-bahoaka.

Nampahafantatra anio koa ny Minisitra ny fanendrena vaovao teo anivon’ny Ministera:

- RAZAFINDRANTO Zafindralambon’i Ndriana, talen’ny CACSU vaovao.

- RAKOTOSON Heritiana Alain, talen’ny DRH vaovao.

- Prof. TIARAY Arson Michel, talen’ny Programme National Tuberculose.

Ireo fanendrena ireo dia natao hanamafisana ny fandrindrana sy ny fitantanana ny asa eo amin’ny sehatra ara-pahasalamana eto amin’ny firenena.