Dingana vaovao eo amin’ny tantaran’ny fahasalamam-bahoaka no nomarihin'ny Fitondram-panjakana, ho fanatanterahana ny Politika Ankapoben’ny Fanjakana "fanatsarana ny tolotra ara-pahasalamana " napetrakin'ny Filohan’ny Repoblika Andriamatoa Andry RAJOELINA.

Ny Minisiteran’ny Fahasalamam-bahoaka tarihin’ Andriamatoa Prof. RANDRIAMANANTANY Zely Arivelo  dia nidina ifotony nametraka ny rafitra  Ara-kajy Mirindra manara-penitra ho fanatsarana ny kalitaon’ny fandraisana sy fitsaboana ary ny fitantanana mangarahara lavitry ny kolikoly. 

Ity ezaka ity dia vokatrin'ny fiaraha-miasa miaraka amin'ny Minisiteran’ny Haitao Ara-kajy Mirindra, ny Paositra ary ny Fifandraisan-davitra tarihin-dRamatoa DELMOTTE Stéphanie   izay fanatanterahana ny fifanaovan-tsonia  fifanaraham-piaraha-miasa  natao ny 14 Martsa 2025 tao amin’ny biraon’ny Minisiteran’ny Haitao Ara-kajy Mirindra teny Antaninarenina.

Dingana voalohany amin'ny fametrahana: CHUSSP Analakely sy CHUJRA Ampefiloha

Eo anilanao hatrany ny Ministeran’ny Fahasalamam-bahoaka