Mametaka mazava ny Fitondram-panjakana fa laharam-pahamehana amin'ny fampandrosoana ny Firenena ny sehatry ny fahasalamana.

Maneho izany torolalana izany ny Minisiteran'ny Fahasalamam-bahoaka tarihin-dRamatoa Minisitra Dr. MANAGNA Monira sy ireo mpiara-miombon'antoka aminy isan-tsokajiny.

Anton'asa efa mipetraka manerana ny Nosy ny fanatanterahana ny atao hoe vavahady misokatra na "porte ouverte" ao amin'ireo HÔPITALIM-PANJAKANA rehetra, ohatra ny amin'izany ny tao Antsiranana.

???????????? ???????????????????????????????? ???? ???????????????????????????????????????????? : tonga maro ireo olona nisitraka ireo tolotra ara-pahasalamana maimaimpoana nandritra ny hetsika « Varavarana Misokatra »

Maro ireo olona tonga nisitraka ny karazana tolotra ara-pahasalamana natolotry ny CHU Tanambao I Antsiranana, anisan’izany ny :

Fizaham-pahasalamana ankapobeny

Fandidiana "lipome"

Ortho-traumatologie

Fanaovana didim-poitra (circoncision)

Fitsaboana nify sy ny ati-vava

Fitiliana VIH/Sida

Fitsapana ny tahan’ny siramamy ao anaty rà (glycémie)...

Amin’ny alalan’ny hetsika toy izao, dia manamafy ny finiavany ny Minisiteran'ny Fahasalamam-bahoaka hampiasa ireo loharano rehetra ananany, na ara-pitaovana na ara-pahaiza-manao, fa indrindra ara-olona, mba hahafahana manome tolotra ara-pahasalamana tsara kalitao ho an'ny vahoaka Malagasy rehetra tsy an-kanavaka.

MIASA MIARAKA HO AN’NY FANOVANA, MANASITRANA NY FIRENENA.