Tao amin’ny Distrikan’Amboasary Atsimo no nanatanterahana ny fitsidihana ofisialy, niarahana tamin’ireo mpikambana sasany tao amin’ny Governemanta, anisan’izany ny Ramatoa Minisitry ny Fahasalamam-bahoaka, Dr. Monira MANAGNA, ary ireo Solombavambahoaka voafidy tao an-toerana.

Nifantoka tamin’ireo laharam-pahamehana mahakasika ny fiainan’ny vahoaka sy ny fampandrosoana ny Distrika ny fitsidihana. Teo amin’ny sehatry ny fahasalamana manokana, dia nojerena akaiky ireo fotodrafitrasa, ny fitaovana ary ny tolotra ara-pahasalamana, mba hahafahana mamantatra ireo filàna sy fanatsarana mbola ilaina.

Natao ihany koa izany mba hanamafisana ny fifampidinihana sy ny fiaraha-miasa eo amin’ireo tompon’andraikitra foibe sy ireo solontenan’ny vahoaka eny ifotony, ho famaliana ny hetahetan’ny mponina.

Fiaraha-mientana, fahasalamana ary fampandrosoana ho tombontsoan’ny vahoakan’Amboasary Atsimo.

MIASA MIARAKA HO AN’NY FANOVANA, MANASITRANA NY FIRENENA.