Faly mampahafantatra ny besinimaro fa efa misokatra ary mandeha tsara ny tolotra Scanner ao amin’ny Service d’Imagerie Médicale ato amin’ny CHU-JRA.

Ity fitaovana ity dia ahafahana manatanteraka fitiliana ara-pitsaboana amin’ny alalan’ny teknolojia maoderina, ka manamora ny fikarakarana sy ny fitsaboana ireo marary mila izany.

Maneho fankasitrahana feno ho an’ny Fitondram-panjakana, amin’ny alalan’ny Minisiteran’ny Fahasalamam-bahoaka, izahay noho ny fanohanana sy ny ezaka hatrany amin’ny fanatsarana ny tolotra ara-pahasalamana.

Isaorana manokana ihany koa ny ekipa rehetra ao amin’ny Service d’Imagerie Médicale.

MIASA MIARAKA HO AN’NY FANOVANA, MANASITRANA NY FIRENENA.