Manoloana ny tranga lozam-pifamoivoizana nahazo ny fiaram-pitaterana, niseho teo amin'ny tonelina Ambohidahy, izay namoizana ain’olona sy naharatrana olona, dia nandray andraikitra avy hatrany ny Fitondram-panjakana, naniraka ireo mpikambana ao amin’ny Governemanta, nandeha manotrona, mankahery ireo fianakaviana mana-manjo ary manaraka ny fivoaran'ny fahasalaman'ny niaram-boina, anisany tao an-toerana i Ramatoa Minisitry ny Fahasalamam-bahoaka, Dr. MANAGNA Monira.

Efa noentina eny anivon’ny hôpitaly ireo naratra, ary nahazo avy hatrany ny fitsaboana sahaza azy ireo. Tao an-toerana Ramatoa Minisitra sy ireo mpikambana amin'ny Governemanta ary ireo tompon’andraikitra, nanara-maso akaiky ny fandraisana an-tanana ireo niaram-boina.

Manoloana izao voina izao, dia mirary fiononana feno ho an’ireo fianakaviana namoy havana, ary mirary fahasitranana haingana sy feno ho an’ireo manaraka fitsaboana.

Noraisin'ny Fitondram-panjakana an-tanana ny fandaniana amin'ireo fitsaboana sy ny mahakasikan'ireo nodimandry, satria tokoa mantsy Masina ny Aina, laharam-pahamehana hatrany ny fiarovana ny ain’ny vahoaka sy ny fandraisana andraikitra haingana manoloana ny tranga mampalahelo tahaka izao.

MIASA MIARAKA HO AN’NY FANOVANA, MANASITRANA NY FIRENENA.