Ny talata 26 novambra 2024, manoloanan'ny Palais des Sports Mahamasina, no notaterahina  tamim-pomba manetriketrika ny fanokafana ofisialy ny "Orange Day"  Andro Iraisam-pirenena ho hanafoanana ny herisetra mianjady amin’ny vehivavy sy ny ankizivavy.

Nampiavaka izany ny fandavan-tena nasehon-dRamatoa Mialy RAJOELINA , vadin’ny Filohan’ny Repoblikan'i Madagasikara,  Reny mpiahy ny Malagasy rehetra, ary ny fanohanana akaiky ataon'i Ministeran'ny fahasalamam-bahoaka izay  tarihin’Andriamatoa Minisitra   Prof. RANDRIAMANANTANY Zely Arivelo eo amin'ny ady mifototra amin'maha lahy sy maha vavy

Orange Day , hetsika iraisam-pirenena mikendry ny hampitombo ny fahatsiarovan-tena sy ny fahaiza-manao momba ny ady atao amn'ny herisetra mifototra amin’ny vehivavy sy ankizivavy, ary handrisika ny fiaraha-mientana hanovana ny toe-javatra.

Ho fanamarihana izany dia misy ny hetsika ara-pahasalamana maimaimpoana manerana ireo boriboritany enina (6) eto Antananarivo Renivohitra sy ny distrikan’Avaradrano, manomboka ny 26, 27, 28, 29, 30 Novambra sy 02 sy 03 Desambra 2024.

Miara-manandratra ny feontsika isika ho fanoherana ny herisetra sy ho fahasalaman’ny vehivavy sy ny ankizi-vavy.

Eo anilanao hatrany ny Ministeran'ny Fahasalamam-bahoaka.

#Ministeran_ny_fahasalamam_bahoaka

#Association_Fitia

#Orange_Day  

#FanoherananyHerisetra  

#FahasalamanaHoAn_nyRehetra  

#FanantenanaHoAn’nyVehivavySyAnkizyVavy