Noraisin’Andriamatoa Minisitry ny Fahasalamam-bahoaka, Profesora RANDRIAMANANTANY Zely Arivelo, teto Ambohidahy ny fitsidihana ara-pomba ofisialy nataon’ny delegasionina notarihan'i Ramatoa Dr. MAZIANGA Lucy Mazaba Liwewe Tale  Rezionaly  ny Ivon-toerana fisorohana sy fifehezana ny aretina aty Afrika (Centres for Diseases Control and Préventions "Africa CDC") amin’ny Faritra Afrika Atsinanana. Rafitra iray eo anivon’ny Vondrona Afrikana ny CDC, ary  firenena 14 no mivondrona ao anatin’ity faritra atsinanana ity, anisan’izany i Madagasikara.

Nodinihana manokana nandritra izany ireo fiarahana miasa sy ireo paik'ady rehetra ho fanatsarana ny kalitaon’ny fahasalamana eto Madagasikara, hahafahana miroso hatrany amin’ny fampandrosoana ny sehatry ny Fahasalamam-bahoaka.

Tafiditra indrindra ao anatin’ny Politika ankapoben’ny Fanjakana, izay tanterahana amin’izao fe-potoana faharoa itondran’ Andriamatoa Filohan’ny Repoblika, Andry RAJOELINA an’i Madagasikara izao , ny "fijerena ny maha-olona", mba hisitrahan’ny Vahoaka Malagasy tsy ankanavaka ny tolotra ara-pahasalamana manaraka ny fenitra.

 Eo anilanao hatrany ny Ministeran'ny Fahasalamam-bahoaka

#Ministeran_ny_Fahasalamam_bahoaka

#AFRICA_CDC_REGIONAL_AFRIQUEDEL_EST