Mitohy ny ezaka hanatsarana ny sehatry ny fahasalamana, nosokafana tamin'ny fomba ofisialy androany tao amin'ny Carlton, Anosy ny fivoriana lehibe niarahana tamin’ireo Fitaleavana eto amin'ny foibe sy ny isam-paritra, izay notarihin’ Andriamatoa Minisitry ny Fahasalamam-bahoaka, Prof. RANDRIAMANANTANY Zely Arivelo ho fanatsarana ny rindran'asa  eto anivon'ny Ministeran'ny Fahasalamam-bahoaka.

Teboka lehibe nivoitra tamin'izany ny hanamafisana sy hanatsarana ny fitantanana ny sehatra ara-pahasalamana izay hiainga eny ifotony , ho fanantaterahina ny Politika ankapoben'ny Fanjakana ao anatin'izany ny fijerena ny maha olona,  ny fanatsarana ny tolotra ara-pahasalamana, ny fisoroana amin'ny aretina, ny fampiroboroboana ny sehatr'asa manodidina ny fahasalamana ary asam-panjakana tsara tantana sy lavitry ny kolikoly. 

Ilaina tokoa ny fizaran'andraikitra mazava mba hipaka eny ifotony tanteraka ny asa rehetra.

Eo anilanao hatrany ny Ministeran'ny Fahasalamam-bahoaka

#Ministeran_ny_Fahasalamam_bahoaka

#Vahoaka_salama_antoky_ny_Fampandrosoana

#DRSP_manerana_ny_nosy