Tontosa soa aman- tsara nandritra ny 3 andro ny fivoriana lehibe niarahana tamin’ireo Fitaleavana eto amin’ny foibe sy ny isam-paritra zay nandinihana sy namaritana ny drafitr’asa mazava sy paik’ady rehetra ho entina manatanteraka ny politika ankapoben’ny Fanjakana amin'ny sehatry ny fahasalamana

Nitarika sy nanome  voninahitra izany Andriamatoa Minisitry ny Fahasalam-bahoaka Prof. RANDRIAMANANTANY Zely Arivelo. 

Fotoana zay nahafahana nametraka Drafitr'asa mazava sy paikady matotra ho fanatanterahana ny politika ankapoben'ny Fanjakana amin'ny sehatry ny fahasalamana

Teboka manan-danja no nivoitra  tamin’izao fivoriana izao :  ny fanatsarana ny fitantanana, ireo paikady  miainga eny ifotony, ny fizarana andraikitra mazava ary ny fanatsarana ny tolotra ara-pahasalamana ho an’ny vahoaka. Nohamafisina ihany koa ny ady amin’ny kolikoly sy ny fitantanana mahomby mba hampandroso  ny asa rehetra.

 Eo anilantsika hatrany ny Ministeran’ny Fahasalamam-bahoaka :  Manohana sy mandrindra amin’ny fampiharana ireo fanapahan-kevitra noraisina, mba ho tanteraka ny ezaka efa natomboka sy ny fampandrosoana maharitra.

Mankasitraka ireo rehetra nandray anjara tamin’ity fivoriana ity, ary manantena fiaraha-miasa mahomby ho an'ny Fahasalamam-bahoaka. 

 Vahoaka salama no antoky ny Fampandrosoana