Andriamatoa Minisitry ny Fahasalamam-bahoaka, Pr. RANDRIAMANANTANY Zely Arivelo, dia nanatanteraka fidinana ifotony, nitsidika ireo fotodrafitrasa sy ivon-toerana ara-pahasalamana manan-danja ao amin’ny Faritra Atsinanana. Ity hetsika ity dia singa manan-danja ao anatin’ny Politika ankapoben'ny Fanjakana " Fanatsarana  ny tolotra ara-pahasalamana"  manerana ny Nosy.

Nandritra izany dia nojerena sy narahana maso akaiky ny fandrosoan’ny ireo asa fananganana sy fanavaozana amin’ireto toerana ireto: ny Tranoben'ny IFIRP, ny tao amin'ny Hopitaly Bé (CHUAT) Analakininina (Laboratoire, Incinérateur, Générateur d'oxygène), ny CSB II Manarapenitra Dépôt Analakininina ary ny Laboratoire ACSQDA izay anisan’ny lehibe indrindra aty amin'ny Faritry ranomasimbe indianina. 

 Tanjona lehibe amin’izao hetsika izao ny hanamafisana ny fahavononan’ny fotodrafitrasa ara-pahasalamana manoloana ny filàn’ny mponina, sy hanomezana tolotra ara-pahasalamana mendrika, mahomby ary mifanaraka amin’ny fenitra iraisam-pirenena.

Eo anilanao hatrany ny ministeran'ny fahasalamam-bahoaka